КОСМОСЕртөнц ба амьдралын нууц
Номын тухай
“Хязгааргүй харанхуйд хөвөх бүдэгхэн цэнхэр цэг төдий… Гэрлийн жилийн алсаас өөрсдийн орогнон буй энэ гаргийг харвал хүмүүс бидний асуудал үнэхээр өчүүхэн санагдана. Гэхдээ ертөнцийн материал амь ба ухаан орсон бидний мэдэх цор ганц газар бол энэ…
Космосыг уншиж дуусаад хавтсыг нь хаах мөчөөс эхлэн та ертөнцийг цоо шинэ өнцгөөс харах болно. Карл Саган хүн төрөлхтний орчлонг танин мэдэхийн төлөө туулсан олон адал явдлын учир зангилааг тун өвөрмөц байдлаар тайлбарлажээ. Эртний философичдын сэтгэлгээний оч дундад зууны харанхуйд хэрхэн гэрэл асаасан, орчин цагийн шинжлэх ухааны суурийг тавьсан эрдэмтдийн агуу эрмэлзэл өдгөө гаргуудыг танин мэдэхээр аялан буй сансрын хөлөг болон хувирсан тухай түүх энд өгүүлэгдэнэ. Бид бусад амьтдаас ялгарч өнөөдөр ийм түвшинд хүрсэн шалтгаан нь яг одоо таны дотор нуугдан буй сониуч зан билээ. Гагцхүү тэр сониуч занг тань өдөөх, мэдлэгийн цангааг тайлах бүтээл бол энэ. Ертөнц ба амьдралын нууц таны гарт.”
Зохиолчийн тухай
Эл номын зохиолч Карл Саган нь Корнеллийн Их Сургуулийн Гараг Судлалын Лабораторийн эрхлэгч, Одон орон ба Сансрын шинжлэх ухааны хүндэт профессор байсан билээ. Тэрээр гараг судлах зорилготой Маринер, Викинг, Вояжер зэрэг алдартай төслүүдэд тэргүүлэх үүрэг гүйцэтгэж байв. Энэ гавьяагаараа НАСА-гийн Шинжлэх Ухааны Онцгой Зүтгэлийн одонгоос эхлээд олон улсын сансрын шагнал болох Прикс Галаберт зэргийг хүртсэн удаатай.
Орчуулагч:
А.Доржпалам
Д.Энхтүвшин
Хэл найруулгын редактор:
С.Энхцэцэг
Шинжлэх ухааны зөвлөх:
Т.Гансүх
Дэмжсэн хүмүүс:
Дэмжигч байгууллагууд
